МÆСКУЫЙЫ ДЫУУÆ БОНЫ ЦЫДИ ÆППÆТДУНЕОН УЫРЫССАГ АДÆМОН ÆМБЫРД

Иу истори æмæ иу адæм. Мæскуыйы дыууæ боны цыди Æппæтдунеон Уырыссаг Адæмон Æмбырд. Чырыстон форумы архайдта Цæгат Ирыстоны делегаци дæр. Алайнаг историйы тыххæй докладтæ бацæттæ кодтой ахуыргæндтæ æмæ дины кусджытæ. Уымæй дарддæр ныхас цыд къниаз Всеволоды бинойнаг Мария Ясыняйыл. Мæскуыйы Æмбырды раныхас кодта Цæгат Ирыстоны Сæргълæууæг Мамсыраты Таймураз.
 
Мæскуыйы Чырысти Ирвæзынгæнæджы фæци æрвылазон чырыстон форум, 18-æм Æппæтдунеон Уырыссаг Адæмон Æмбырд. Аргъуаны уæгъд бынат нæ уыди. Уазджытæ дзы уыд Уæрæсейы регионтæй æмæ фæсарæнтæй. Форумы архайдта паддзахадон Думæйы сæрдар Сергей Нарышкин, регионты сæргълæуджытæ, паддзахадон кусджытæ, политиктæ. Кадджын уазджыты хсæн уыди Цæгат Ирыстоны сæргълæууæг Мамсыраты Таймураз. Æмбырды сæйраг нысан у – «Историйы, адæмы æмæ Уæрæсейы иудзинад». Мадзалы райдиан арфæйы ныхас загъта Мæскуыйы æмæ æппæт Уырысы Патриарх Кирилл.
 
Уæ зæрдыл уын лæууын кæнæм, знон дзы форум æххæст кæнгæйæ ацыд Мария Ясыняйы цардимæ баст секци. Уыди Всеволоды бинойнаг, Алайнаг кънязы чызг. Мария Ясыняйæн кад кæнынц куыд алы фæлтæртæ. Арæзта аргъуантæ, æххуыс кодта мæгуыртæн, ææ сидзæртæн. Уæрæсейы ацы сылгоймаджы ахадындзинады тыххæй йæ раныхас райдыдта Цæгат Ирыстоны сæргълæууæг Мамсыраты Таймураз.
 
Ацы форумæй хатдзæгтæ скодтой, Дзæуджыхъæуы æмæ Алайнаг епархийы цы бакастытæ цыдысты, уыдонæн. Йæ саразынæн стыр æххуыс бакодтой этнокультурон æмæ дины хæзнаты фонд «Алайнаг бынтæ».
 
Зæгъын хъæуы уый, æмæ Цæгат Ирыстоны арæзт цæуы Александр Невскийы номыл аргъуан. Уым хицæн бынат ахсдзæн Мария Ясыняйы фæлгонц.
Касаты Наирæ

Добавить комментарий


Защитный код
Обновить